एरवी

वेळोवेळी शब्दांचा फास पडला आहे मला.
त्यांचं प्रेम नाही असा दावा नाही.
मनापासून भोगले शब्द.
याचा अर्थ बाकी कशात राम नव्हतासा नाही.
निवडीच्या भासाचे जे फासे पुढ्यात पडले,
त्यात शब्दाचीच सरशी होत गेली.
म्हटलं तर पर्याय होताच
रडीचा डाव खेळून उठून जाण्याचाही.
पण हसत खेळले.
भरभरून मजाही आली.
याचा अर्थ एरवी डाव जमलाच नसतासा नाही.
पण
प्रश्न अखेर अटीतटीनं खेळण्याचा होता.
मग कसलं का दान पडेना मला.