स्त्रीवादी ही एक शिवी आहे आता.
किंवा टिंगलटवाळीकरता वापरायचा शब्द.
किंवा आपल्याला उद्देशून कुणी वापरला,
तर अंगावरची पाल झटकावी तसा झटकून टाकायचा शब्द.
किंवा आपल्या हक्काचं काहीतरी मागताना
'मी तशी नाही, फक्त..' असं स्पष्टीकरण देऊन लपवून ठेवायचा शब्द.
स्त्रीमुक्ती हा शब्द वापरताना मला बांधलेले हातपाय सोडवून घेत असल्यासारखं बावळट वाटायचं.
म्हणून मी हळूहळू हा शब्द आपलासा केला,
तिथून इथवर कसे आलो आपण?
नक्की काय नकोसं झालं आपल्याला आपल्यातलं?
नि आता इथून हाथरसपर्यंत कसे पोचणार आपण?
आपण सगळे?
No comments:
Post a Comment